3D Secure

Sumir færsluhirðar gera þá kröfu að 3D secure sé notað og reynir Áskell að gera það eins einfalt í notkun og hægt er. Það eru þó nokkrir hlutir sem þarf að hafa í huga þegar verið er að nota Áskel með 3D secure færsluhirði. Þeir færsluhirðar sem eru 3D secure í Áskeli í dag eru Saltpay og Valitorpay.

Ferlið virkar í grófum dráttum svona:

1. Þegar taka á við greiðslukorti þarf að búa til nýtt TemporaryPaymentMethod með því að kalla í POST /api/temporarypaymentmethod/. Svarið frá Áskeli inniheldur þá tvær breytur, token og card_verification_url.

2. Sýna þarf notandanum iframe eða modal glugga með card_verification_url til þess að viðkomandi geti slegið inn kóðann sem kemur t.d. í SMS skilaboðum frá útgefanda kortsins.

3. Á sama tíma þarf að byrja að athuga stöðu á token með því að kalla í GET /api/temporarypaymentmethod/{token}/. Gildar stöður eru

   • initial

   • tokencreated

   • failed

   Þegar stöðunni tokencreated er náð má loka eða fela iframe eða modal glugga.

4. Að lokum eru tveir valmöguleikar í boði til þess að staðfesta greiðslukortið svo hægt sé að skuldfæra á það.

   1. Bæta kortinu við viðskiptavin sem er til.

      Í þessu tilfelli er notast við vefþjónustuna POST /api/customers/paymentmethod/

   2. Stofna nýja áskrift á viðskiptavin.

      Hérna er notast við vefþjónustuna POST /api/subscriptions/multi/